Shveysariyaning Davos shahrida Butunjahon iqtisodiy forumi o`z ishini boshladi, deb xabar bermoqda Ria.ru nashri.
Unda dunyoning yuzdan ortiq siyosatchilari ishtirok etmoqda. Sammit doirasida iqlim o`zgarishi, Yaman va Suriyadagi inqirozlar, populyasiyaning o`sishi, migrasiya muammosi, nochorlikka qarshi kurash, Buyuk Britaniyaning Evropa Ittifoqidan chiqish jarayoni, jahon iqtisodiyotining o`sishi kabi masalalar muhokama qilinishi kutilmoqda. Forumning birinchi kunida Braziliya prezidenti Jair Bolsonaru mamlakatda iqtisodiy islohotlar o`tkazish rejasini taqdim etdi.
