Венесуэлада давом этаётган тўқнашувларда қурбон бўлганлар сони 15 нафарга етди, дея маълум қилди News.day.az нашри.
Йирик намойишлар мамлакатнинг Португеса, Баринас, Тачира, Каракас, Амасонас, Боливар штатларида бўлиб ўтмоқда. Айни вақтгача эса полиция томонидан 70 дан ортиқ одам қўлга олинган. Венесуэла мухолифат парламенти етакчиси Хуан Гуайдо ўзини мамлакатнинг вақтинчалик раҳбари деб эълон қилганидан сўнг ҳам намойишлар тўхтаганича йўқ. Ҳозирга қадар АҚШдан ташқари, Гуайдонинг вақтинчалик президент мақомини Канада, Аргентина, Бразилия, Чили, Колумбия, Коста-Рика, Гватемала, Гондурас, Панама, Парагвай ва Перу тан олди.
