23 ёшли қиз ярим тунда Пуэнте-де-Исабел II кўприги юқорисида суратга тушмоқчи бўлган. Бир неча дақиқадан кейин мувозанатни йўқотиб, пастга қулаган, дея хабар бермоқда daryo.uz.
Тўрт ярим метр баландликдан йиқилган қиз кўприкнинг бетон устунига урилган. Воқеа жойига етиб келган шифокорлар қизнинг юраги тўхтаганини қайд этган ва уни қайта ишга туширган. Оғир аҳволдаги қиз шифохонада вафот этган.
Севиля мерияси вакиллари буни бахтсиз ҳодиса деб атаб, кўприкда қўшимча тўсиқлар ўрнатишга ваъда берган. Польша матбуоти хабарига кўра, Райхел Люблин шаҳрида яшаган ва тиббиёт соҳасида ўқиган. Ўқишни тугатгач Испанияга бутунлай кўчиб кетмоқчи бўлган.
