Янги Зеландияда оммавий ўрмон ёнғинлари ҳамон давом этмоқда, деб хабар қилмоқда Репорт нашри.
Жанубий Оролда ҳозирга қадар 2 минг гектар майдон кулга айланган. Ўт ўчирувчилар эса алангани бартараф этиш учун бир неча кун кетишини таъкидлашмоқда. Бу жараёнга эса 10 та вертолёт, 12 та ўт ўчириш бригадаси, 2 та самолёт жалб қилинган. Айни вақтга қадар 100 дан ортиқ уйлардан одамлар эвакуация қилинган. Кўплаб уйлар эса бутунлай ёниб кетган.
