АҚШ президенти Дональд Трамп Эфиопияда содир бўлган авиахалокатдан сўнг, Boeing 737 Max парвозларини вақтинча тўхтатишга қарор қилди, дея хабар бермоқда ТАСС нашри.
157 кишининг ўлимига сабаб бўлган ҳалокатдан кейин, дунёнинг 20 га яқин давлатлари, хусусан, Канада, Австралия, Хитой, Буюк Британия, Ҳиндистон Боинг 737 Max қатновларини бутунлай тақиқлаган. Бироқ АҚШ ҳукумати парвозларни давом эттираётган эди. Аммо президент Трамп берган сўнгги баёнотида АҚШда ҳам вақтинчалик тақиқлов жорий этилишини маълум қилди.
