Лос-Анжелес полиция бошқармаси терговчилари ва Федерал қидирув бюроси олти йил аввал ўғирланган 10 миллион долларлик картиналарни топди.
Los Angeles Times нашри маълумотига кўра, АҚШ терговчилари 12та картинадан тўққизтасини топган. Уларнинг орасида Марк Чагалл ва Диэго Ривер суратлари ҳам бор. Ўғрилик 2008 йилнинг август ойида хусусий уйда содир бўлган.
Картиналар Лос-Анжелес ғарбидаги меҳмонхонадан топилган. Прокуратуранинг таъкидлашича, 45 ёшли Раул Эспиноза суратларни 700 минг АҚШ долларига сотишга уринган. Эспиноза айбини тан олмаган. Айни пайтда, у қамоққа олинган.
Ўғирланган картиналарнинг яна учтасини қидириш давом этмоқда.
