Лондондаги Christie's аукцион уйидан қарийб бир миллион фунт стерлинг ёки тахминан 1,5 миллион АҚШ долларилик буюмлар ўғирлаб кетилди, деб хабар бермоқда РИА Новости.
Талончилик 7 декабрь куни кечқурун содир бўлган, бироқ бу икки ҳафта ўтгандан сўнг маълум бўлган. Видеокузатув камералари жиноятчиларни қайд этиб қолган бўлса-да, полиция ҳали уларни топмаган.
Christie’s - дунёдаги энг қадимий аукцион уйи. 1766 йилда у картиналар, мебел, заргарлик буюмлари ва кам учрайдиган винолар сотишни бошлаган. Биринчи савдо Лондонда 5 декабрь куни бўлиб ўтган. Савдоларни Жеймс Кристи олиб борган.
