Амерканинг Флорида штатида истиқомат қилувчи Рейчел Энн Хейз (Rachel Anne Hayes) Facebookда дўстлар қаторига қўшишни рад қилганлиги учун ўз бувисини бир неча марта мушт туширган, дея хабар қилмоқда WFLA. 27 ёшли аёл 72 ёшли бувисига ҳужум қилганида маст ҳолда бўлганлиги қайд этилмоқда.
Воқеа жойига етиб келган полиция ходимлари Энн Хейзни дарҳол қўлга олишган. Пайшанба куни бўлиб ўтган судда аёл ишини йўқотишдан қўрқаётганлигини айтган ва кўзида ёш билан уни гаров эвазига қўйиб юборишларини сўраган. Шу билан бирга Энн Хейз бувисидан кечирим сўрамаган. Хейз бундан олдин ҳам спиртли ичимлик ичиш оқибатида юзага келган ҳодиса сабаб уч марта қамоққа олинган.
Кейинчалик буви неварасини ижтимоий тармоқда ўзига Rachel Frickin Hayes номини берганлиги учун қўшишни истамаганлигини айтган.
19 декабр куни кечқурун Энн Хейз ўн минг доллар гаров пули эвазига озод қилинган.
