Маълумотларга кўра, ер ости силкинишлари мамлакат шимоли-шарқий минтақаларида рўй берган. Бу ҳақда Мир24 телеканали хабар берган.
Зилзила кучи Рехтер шкаласи бўйича салкам 6 баллни ташкил этган. Табиий офат натижасида 22 киши ҳалок бўлган, 700 нафарга яқин киши эса тан жароҳати олган. Кашмир ҳудудининг Покистонга тегишли ҳудудида жойлашган Жатлан шаҳри ва Мирпур минтақасидаги кўплаб аҳоли пунктларидаги уй-жойлар вайрон бўлган.
Автомобиль йўлларида эса ёриқлар пайдо бўлган. Силкиниш кучи бутун мамлакат ҳудуди бўйлаб сезилган. Кашмир ҳудудида катта талофатлар келиб чиққан. Минтақа аҳолисига ёрдам бериш учун шифокорлар ва ҳарбийлар жўнатилган. Эслатиб ўтамиз, 2005 йилда рўй берган 7.6 баллга тенг зилзила Кашмирда минглаб инсонлар умрига зомин бўлган эди.
