Аввалроқ Фарғона вилояти, Қўштепа туманидаги Эшонгузар маҳалласида Буюк Британиядан келин бўлиб тушган Жени – “Жаннатхон” Ўзбекистонда миллий урф одатларига кўра, ўз келинлик хизматларини қилиб юргани ҳақида хабар қилгандик.
Яқинда ўз келинлик хизматларини қилиб турмуш ўртоғи билан ўзи фаолият кўрсатаётган Араб амирлигининг “Дубай” шаҳригаучиб кетишди. У ерда Жени мактабгача таълим муассасасида фаолият кўрсатади. Яқин кунларда Женининг қайнонаси билан қилган суҳбатимизда у лондонлик келинининг орзуси ҳақида гапирганди.
Муҳайёхон ҲАЙДАРОВА, қайнона:
– У Ўзбекистонда қолиб инглиз тилига ихтисослаштирилган мактабгача таълим муассасасини очишини ният қилиб юрганини таъкидлади. Аёл сўзида Ўзбекистон деб аталмиш жаннат диёрнинг муҳити, табиати, бағри кенг, меҳрибон ва меҳмондўст одамларини келини жуда яхши кўриб қолганини, бу ердан сира олис кетгиси келмаётганини айтиб ўтди. Айниқса нуроний, ширин сўзли онахонлар, бувию момолар, овсинлари унинг юрагида энг яқин инсонларга айланиб қолишди.
Турмуш ўртоғи қаерда бўлса, у ҳам ўғлининг ёнида бўлиб биргаликда тотув ҳаёт кечиришларини истаган Муҳайё опа фарзандларига дуо берди ва бир куни инглиз келинининг орзуларини амалга оширишга кўмаклашишига ишонч билдирди.
Фотима ЎКТАМОВА
