Euronews.com нашри маълумотларига кўра, «Хагибис» тўфони оқибатида 40 киши ҳалок бўлган яна 16 нафари эса бедарак йўқолган.
Бундан ташқари, 189 нафар киши жароҳатланган. Киода агентлиги қидирув-қутқарув операциялари давомида мазкур рақамларнинг ортиш эҳтимоли юқори эканлигини маълум қилди. Мутахассислар маълумотига кўра, шанба куни мамлакатнинг Хонсю оролига ёпирилган тўфоннинг марказидаги босим 945 гектопаскални ташкил этган. Шамолнинг тезлиги эса секундига 45 метрга қадар бориб етган. Кучли сув тошқинлар ва кўчки юзага келиши хавфи сабаб 7 миллиондан ортиқ киши ўз бошпанасини ташлаб чиқишга мажбур бўлган. Кучли ёғингарчилик натижасида мамлакатнинг аксарият ҳудудларида сув тошқинлари келиб чиқди.
Бу Японияда кузатилган сўнгги 60 йилдаги энг кучли тўфон эканлиги айтилмоқда. Токиодан шимоли-ғарбда жойлашган Нагано префектураси ҳудуди бутунлай сув остида қолган. Бу ерда сув сатҳи баландлиги 2-3 метрга қадар бориб етмоқда. Табиий офатдан жабрланган мамлакатнинг 13 префектурасида жами 100 мингдан ортиқ хонадон электр тармоғидан узилиб қолди. Тўфон зарар етказган ҳудудларда олиб борилаётган қидирув-қутқарув ишларига 110 мингдан ортиқ полиция вакиллари, ўт ўчирувчилар ва ҳарбийлардан иборат гуруҳ жалб этилган. Ноқулай об-ҳаво шароити мамлакат транспорт тизимини бутунлай издан чиқарди. Дам олиш кунлари Токио ва Тиба аэропортларида мингдан ортиқ рейслар бекор қилинди. Бугунга келиб ҳаво қатнови қайта тикланган бўлса-да, поездлар ҳаракатланишида чекловлар ҳамон сақланиб турибди.
17.11.2023, 09:49
3 йилдан бери “Баркамол авлод” болалар мактабининг робототехника тўгарагига қатнайдиган Озодбек Ҳошимов одамларни ис газидан сақлаб қоладиган ихтиро яратди. Бу ҳақда Мактабгача ва мактаб таълими...
16.11.2023, 12:40
Аввалроқ, Тошкент вилоятидаги тўйда вертолётдан фойдалангани акс этган видео тармоқларда тарқалган эди. Тошкент вилояти ИИББ Йўл ҳаракати хавфсизлиги бошқармаси мазур ҳолат бўйича маълумот тақдим этди. Маълум қилинишича, ИИББ...
10.11.2023, 12:45
Пойтахт марказида қурилган янги кўп қаватли уй ҳали эгаларига топширилмасданоқ куни кеча ёғиб ўтган ёмғирдан сўнг даҳшатли манзара касб этиб қолди. 11 қаватли уйнинг зиналари...
04.11.2023, 12:37
Фарғонада янги туғилган чақалоқ ташлаб кетилди. "Замон" дастурида мазкур ҳодиса бўйича тафсилотлар маълум қилинди.Маълум бўлишича, Фарғона тумани Юқори арча МФЙ ҳудудидаги катта далага янги туғилган,...
