1

Миллий гвардия ходимининг қонуний талабини бажармаслик ва бўйсунмаслик учун жазо белгиланди

ЖАМИЯТ 31.10.2019, 15:49
Теглар: Жазо, Миллий гвардия
Миллий гвардия ходимининг қонуний талабини бажармаслик ва бўйсунмаслик учун жазо белгиланди

Шавкат Мирзиёев 29 октябрь куни "Ўзбекистон Республикаси Миллий гвардияси органлари фаолияти такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги Қонунга имзо чекди.

Маълум қилинишича, қонунга кўра, Ўзбекистон Республикасининг Маъмурий жавобгарлик тўғрисидаги кодексига 194-1 ва 195-1 моддалар қўшилди.

194-1 моддага кўра, Ўзбекистон Республикаси Миллий гвардияси ҳарбий хизматчисининг (ходимининг) ҳуқуқбузарликларни тўхтатиш, ҳужжатларни текшириш учун тақдим этиш, кўрсатилган муддатда Ўзбекистон Республикаси Миллий гвардияси органларига (ҳуқуқни муҳофаза қилувчи органларга) бориш ёки Ўзбекистон Республикаси Миллий гвардияси органларида (ҳуқуқни муҳофаза килувчи органларда) ҳозир бўлиш тўғрисидаги қонуний талабларини узрли сабабларсиз бажармаслик, транспорт воситасини тўхтатиш, жабрланувчиларга ёрдам кўрсатиш ҳақидаги қонуний талабларини бажармаслик ёхуд Ўзбекистон Республикаси Миллий гвардияси ҳарбий хизматчисининг (ходимининг) қонуний талабларига бошқача тарзда бўйсунмаслик, — энг кам иш ҳақининг иккидан бир қисмидан икки бараваригача миқдорда жарима солишга сабаб бўлади.

Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, — энг кам иш ҳақининг икки бараваридан уч бараваригача миқдорда жарима солишга ёки ўн беш суткагача муддатга маъмурий қамоққа олишга сабаб бўлади.

195-1 моддага кўра, Ўзбекистон Республикаси Миллий гвардияси ҳарбий хизматчисининг (ходимининг) ўз хизмат вазифаларини бажариши билан боғлиқ қонуний талабларини бажармасликка омма олдида ҳар қандай шаклда даъватлар қилиш, худди шунингдек Ўзбекистон Республикаси Миллий гвардияси ҳарбий хизматчиларига (ходимларига) оммавий равишда бўйсунмасликни келтириб чиқариш мақсадида била туриб сохта уйдирмаларни тарқатиш, — 

энг кам иш ҳақининг уч бараваридан беш бараваригача миқдорда жарима солишга ёки ўн беш суткагача муддатга маъмурий қамоққа олишга сабаб бўлади

Шарҳлар

Фарғонада Миллий гвардия ходими ўқувчиларга тарсаки туширди(видео)

14.05.2024, 12:51

Фарғона вилояти Миллий гвардия бошқармаси Қўштепа туманидаги мактабда ўқувчиларига тарсаки туширган ходим иши юзасидан маълумот берди.Ижтимоий тармоқларда Қўштепа туманида жойлашган мактабда Миллий гвардия ходими мактаб...
Токио олимпиадасида қатнашган 7 нафар Миллий гвардия спортчилари тақдирланишди

17.08.2021, 17:17

Миллий гвардия қўмондони, генерал-маёр Р.Джураев Токио-2020 ёзги Олимпия ўйинларида Ўзбекистон миллий терма жамоаси таркибида иштирок етган Миллий гвардия спортчилари билан учрашди.Тадбирда Тошкент шаҳар ҳокимлиги, Миллий...
Россияда вакцинадан бош тортган ходимлар жазоланмоқда

16.08.2021, 12:20

Россияда вакцинадан бош тортган ходимлар жазоланмоқда. Бу ҳақда Ташқи меҳнат миграцияси агентлиги маълум қилди.Унга кўра, Россиядаги ҳар бешта компаниянинг бири коронавирусга қарши вакцина олишдан бош...
Миллий гвардия тизимидаги янги лавозимга ўринбосар тайинланди

11.08.2021, 08:56

Ўзбекистон Республикаси Миллий гвардияси қўмондонининг тарбиявий ва мафкуравий ишлар бўйича ўринбосари полковник Мамаюсупов Сарвар Деҳканович тизимда янги жорий қилинган Миллий гвардия қўмондонининг ёшлар билан ишлаш...
Об-ҳаво: Тошкент
Валюта курси
1