Ўзининг дилтортар қўшиқлари билан мухлислар қалбидан муқим жой олган "Сарбон" гуруҳи ижод қилишда давом этмоқда. Гуруҳнинг янги таронаси “Гўзаллар ҳам йиғлар эканлар” деб номланади. Қўшиқ матни Б.Бобомуродга тегишли бўлса, мусиқани гуруҳ яккахони Фарҳод Саидов басталаган.
Ф.Саидовнинг сўзларига кўра, бу қўшиқ бундан 25 йиллар олдин ижро этилган, аммо омма эътиборига ҳавола қилинмаган экан. Ушбу қўшиқ учун клипмейкер Ш.Мавлонов билан ҳамкорликда видеоклип ҳам суратга олинди.
