Хоразм вилоятидан darakchi сайти мухлисларининг хабар беришича бугун – 17-ноябрда Хива шаҳрининг Ичон Қальа музей-қўриқхонаси Кўҳна Арк майдони олдида Ўзбекистон Республикаси байроғи қабул қилинганининг 28-йиллиги муносабати билан оммавий спортнинг миллий кураш тури бўйича маҳорат дарслари ташкил этилди.
Ушбу маҳорат дарсларини француз актёри Жерар Депардье ҳам катта қизиқиш билан томоша қилди. Таниқли актёр ўзбек спортчиларининг муваффақиятли чиқишларини қарсак чалиб, қўллаб-қувватлади. Шунингдек миллий кураш тури бўйича ўзини қизиқтирган саволларга жавоб олди.
Маҳорат дарсини ташкиллаштиришда вилоят спорт бўлими, Болалар ва ўсмирлар спорт мактаби, Олимпия ва миллий спорт турларига ихтисослаштирилган давлат мактаб-интернати тренерларининг ҳиссаси катта буўлди.
