Mitre Ultimax
Mitre Ultimax 1992 йил Англия Премьер лигаси очилган вақтида мусобақанинг илк расмий тўпи бўлган.
Nike Geo Merlin II
2000 йилдан бошлаб Англияга тўп етказиб бериш Nike компанияси топширилган ва компания мусобақага Geo Merlin II тўпини топширган.
Nike Total90 Ascente
Nike Total90 Ascente Премер лиганинг 2009/2010 йилги мавсумида расмий тўпи бўлгач, ўша мавсум 20тадан кўпроқ гол урган футболчилар сони 5тани ташкил этган. Улар ичида 29та голга муаллифлик қилган Дидье Дрогба ҳам бор эди.
Adidas ICON
ICON футбол тарихида 1999 йилги аёллар ўртасидаги жаҳон чемпионати учун яратилган илк тўп бўлган.
Mitre Meteor Pro
Meteor Pro замонавий тўпларга жавоб тарзида яратилган бўлиб, тўп ретро дизайнга эга эди.
Adidas 2008 Power Orange
Power Orange Adidas компанияси томонидан Австрия ҳамда Швейцарияда ўтказилган Евро-2008 мусобақаси учун махсус яратилган. Тўпнинг бундай рангда яратилишига мусобақа ўтказилган жойда об-ҳавонинг тез-тез бузилиб туриши сабаб бўлган.
Adidas Wawa Aba
Wawa Aba – футбол тарихидаги энг рангли тўплардан бири. У Ганада ўтказилган 2008-йилги Миллатлар кубоги учун Adidas компанияси томонидан тайёрланган.
Adidas 2013 Glider
Glider Adidas компанияси томонидан Конфедерациялар кубоги-2013 учун махсус яратилган ҳамда у мусобақа мезбони байроғи рангида яратилган
Adidas Tricolore
Tricolore футбол тарихидаги катта мусобақаларда фойдаланилган илк рангли тўп бўлиб, у 1998 йилги жаҳон чемпионатида мезбон жамоа – Францияга ғолибликни олиб келган.
Nike Maxim
Nike компаниясининг Maxim номли тўпидан Испания, Италия ҳамда Англия чемпионатларида фойдаланилади.
Adidas Teamgeist
Teamgeist 2006 йилги Германиядаги жаҳон чемпионати учун яратилган бўлиб, ундан МЛС лигасида ҳам фойдаланилган.
Adidas Teamgeist Beijing
Teamgeist Пекин Олимпиадаси учун яратилган. Бироқ у мезбонларга ғалаба олиб келмади. Хитой 1 очко тўплаб, плей-офф баҳсига чиқа олмади.
Adidas Roteiro
Бу тўпни 20 йилликнинг энг чиройли тўпи дейиш мумкин. У Adidas компанияси томонидан Португалиядаги Евро-2004 мусобақаси учун яратилган. Roteiro’нинг яна бир қизиқ томони бу унинг ҳар бир ўйин учун алоҳида белгилар (тўпда жамоалар, ўйин ўтказилаётган шаҳар ҳамда стадин номи) билан яратилган илк тўп эканида.
Adidas Finale Sportivo 2006
Adidas компанияси 2005/2006 йилги Парижда ўтказилган Чемпионлар лигаси финали учун яратилган. Унинг кўриниши Чемпионлар лигасининг одатий тўпи шаклида бўлган. Бироқ қора ранг ўрнида қизилдан фойдаланишган.
Nike Total 90 Tracer Doma
Total 90 Америка кубоги-2011 мусобақаси учун яратилган. Унинг дизайни мезбон жамоа бўлган Аргентина байроғи рангларида ишланган.
Adidas Questra Olympics
Questra Olympics классик кўринишга эга бўлиб, у Adidas компанияси томонидан Атлантада ўтказилган 1996 йилги Олимпиада учун яратилган.
Adidas Finale PowerOrange
Finale PowerOrange Афина (2007 йил) ҳамда Москвада (2008 йил) ўтган Чемпионлар лигаси финали учун яратилган. Ундан ўйин вақтида қор ёғиб қолса фойдаланиш кўзда тутилган. Бироқ икки финалда ҳам қор ёғмаган ва мухлислар бу тўпни “амал”да кўришмаган.
Adidas Fevernova
Fevernova Япония ҳамда Жанубий Корея майдонларида ўтказилган 2002 йилги жаҳон чемпионати учун яратилган бўлиб, унинг асосий қисми оқ рангдан иборат бўлган.
Adidas Finale Munich
Adidas компанияси томонидан 2012 йилги Чемпионлар лигаси финали учун яратилган. Унда одатий Чемпионлар лигаси тўпи каби юлдуз шаклидаги нақшлар ишлатилган. Бироқ қора ранг ўрнига кўк ва яшилдан фойдаланилган.
Adidas Jabulani
Ҳеч бир тўп Jabulani каби мухлислар ҳамда матбуотнинг эътиборида бўлмаган. У Adidas компанияси томонидан Жанубий Африкада ўтказилган 2010 йилги жаҳон чемпионати учун яратилган.
