Андижон вилояти ҳокими Шуҳратбек Абдураҳмонов вилоятдаги олий ўқув юртлари талабалари учун стипендия таъсис этди. Бу ҳақда ЎзА хабар берди.
Вилоят ҳокими вилоятдаги олий ўқув юртларида таҳсил олаётган ёшлар орасидан ўзининг юксак иқтидор ва қобилиятини намоён эта оладиган, юрт тараққиётига муносиб ҳисса қўша оладиган фидойиларни излаб топиш, уларни қўллаб-қувватлаш, илм-фан, санъат, спорт ва бошқа йўналишларда республика ва халқаро даражадаги ютуқлар кўламини кенгайтириш, соғлом рақобат муҳитини шакллантириш мақсадида стипендия танлови ташкил этди.
Вилоят ҳокимлиги, Ўзбекистон ёшлар иттифоқи вилоят кенгаши, олий ўқув юртлари ҳамкорлигида ўтказиладиган танлов ғолиби олий ўқув юртини тамомлагандан сўнг ўз мутахассислиги бўйича иш билан ҳам таъминланади.
– Вилоят ҳокимининг ушбу ташаббуси олий ўқув юртлари талабалари томонидан хурсандчилик билан кутиб олинди, – дейди Андижон машинасозлик институти проректори Акмалжон Эрматов. – Вилоят ҳокими стипендияси талабаларимизни янада пухта билим олишга, юксак марраларни эгаллашга, фаол ва фидойи бўлишга ундайди. Қолаверса, улар ўртасида эркин ва ижодий рақобатни шаклланишига ёрдам беради.
Бундан буён “Вилоят ҳокими стипендияси” танлови ғолиби бўлган талабалар нафақат стипендия соҳиби бўлади, балки ўзлари учун иш ўрнини ҳам таъминлаб олади.
10.08.2023, 20:43
Ижтимоий тармоқда “Асака туманида ЙҲХБ ходими томонидан 2 нафар шахсга нисбатан йўл транспорт ҳодисаси содир этилсада, жазо муқаррарлиги таъминланмаганлиги ҳақида хабар жойлаштирилди. Хабарга кўра, Асакада...
01.02.2023, 09:59
Президент Шавкат Мирзиёев ҳудудлар иқтисодиёти, аҳоли ҳаёти билан яқиндан танишиш мақсадида Андижон вилоятига жўнаб кетди. Бу ҳақда Президент матбуот хизмати хабар бермоқда.Маълум қилинишича, ташриф давомида...
21.12.2022, 09:11
Ижтимоий тармоқларда Андижон вилояти Пахтаобод туманида қизлар ўртасида жанжал юз бергани акс этган видеохабар тарқалди. Ҳолат юзасидан вилоят ИИБ матбуот хизмати маълумот тақдим этди.Маълум қилинишича, 7...
17.12.2022, 10:55
Телеграм каналлардан бирида Фарғона вилояти Бувайда тумани ҳокимининг собиқ 1-ўринбосари бўлган Дехқонов Мирзохиджон бундан 2 йил аввал 20 000 доллар пора билан қўлга тушиб, озодликдан...
