Инсульт туфайли кома ҳолатига тушиб қолган Лю Жеью исмли 94 ёшли хитойлик аёл икки ҳафтадан кейин ҳушига келиб, ўз она тили бўлган хитой тилини унутиб, 30 йилдан бери фойдаланмагани инглиз тилида гапиришни бошлаган. Бу ҳақда kun.uz маълумотлари асосида Central European News агентлиги хабар беради.
Жеью ётган шифохонадаги шифокорлар унга церебрал миокард ташхисини қўйишган ҳамда қариндошларига тузалиб кетишига кафолат йўқлигини айтишган. Бироқ аёл ҳушига келиб, инглизчида “Мен қаердаман? Нима бўлаяпти?” деганида улар ҳайратдан ёқаларини ушлаб қолишган.
