Uzbekistan Airways’ компаниясининг «Москва—Тошкент» йўналишида парвоз қилаётган самолётда ўзбекистонлик эркак вафот этди. Бу ҳақда ТИВ хабар берди.
Сал аввал сайтимизда "Ўзбекистон ҳаво йўллари" самолётда йўловчининг саломатлиги ёмонлашгани сабабли у Внуково аэропортига қайтгани ҳақида хабар берилган эди.
Маълум қилинишича, 26 декабрга ўтар кечаси соат тахминан 1:00 ларда Внуково аэропортидан Тошкентга учиб кетган 602-рейс парвози бекор қилиниб, самолёт ортга қайтиши ҳақида хабар келиб тушган.
Бунга самолёт йўловчиларидан бири – 50 ёшли Ўзбекистон фуқаросининг тоби қочгани сабаб бўлган. Самолёт соат 1:10 да аэропортга қўнган, лекин шифокорлар эркакнинг ҳаётини сақлаб қола олмаган.
