“Даракчи” муҳбири Алия Сулайманова Ўзбекистон халқ артисти Юлдуз Усмонова билан суҳбатлашди. Интервьюда санъаткорнинг шахсий ҳаёти, ўзбек санъатининг бугунги ҳолат ва бугунги сиёсий жараёнлар ҳам сўз борди..
— Бугун эса ваъдани бериб, кўзлаган мақсадига эришгунча бир қоп ун билан алдаганларни эшитяпман. Қопдаги ун тугайди, одамларнинг муаммоси-чи? Уни ким ҳал қилади?
Бугунги кундаги санъаткор депутатларга келсак, аслида, санъаткорни бу жараёнда бир кўприк сифатида кўраман. Чунки улар халқ ва сиёсат ўртасида боғловчи бир восита. Депутат бу ўйин ёки қўғирчоқ эмас! Депутат бўлдингми, ишлаш керак! Халқни дарди билан яшасин! Чунки бугуннинг одамлари ҳамма нарсани тош-тарозусини яхши тушуниб олган. Бугун овоз берган номзодидан эртага албатта натижа кутади. Мен ҳам халқ вакилиман. Эндиликда мен ҳам халқимнинг ёнида тенгма-тенг туриб депутатларнинг гапларига жавоб сўраб оламан. Берган ваъдаларини амалда бажаришини албатта талаб қиламан! “2.5 млн.га оила боқса бўлади, гўштни кўп еманг!” деган гаплар энди ўтмайди. Депутат бу — янги қонун чиқса, уни қўллаб-қувватлаб қарсаклар билан кутиб олувчи “функция”ни бажармайди! Улархалқнинг манфатини устун қўйиб ишлаши шарт! Керак бўлса, Сенат вакиллари билан талашиб тортишсин! Юртбошимиз таъкидлагандек, депутатни халқ сайлайди ва энди улардан талаб қиламиз.
МАЪЛУМОТ ЎРНИДА:
Ўзбекистон халқ артисти билан бўлган суҳбатни тўлиқлигича "Даракчи" газетасининг 2020-йил 1-сонида ўқишингиз мумкин.
