Бугун, 7 январь куни Amirsoy Resort тоғ-чанғи курортида қайғули ҳодиса юз берди.
Соат 16:20 атрофида “Amirsoy” курортининг чанғи йўллари ёпилишидан олдин, ташриф буюрганлардан бири дам олиш ходимига ёш чанғичининг ғойиб бўлганлиги ҳақида хабар берди. Ушбу маълумотни олгач, “Amirsoy Resort” қутқарув гуруҳи бедарак йўқолган одамни қидиришга киришди.
30 дақиқадан сўнг, чанғичини қутқарув хизмати аъзоларидан бири чанғи йўлининг ташқарисида, ҳаёт аломатлари йўқ ҳолда топди.
50 дақиқа давомида “Amirsoy”дам олиш масканининг саккиз нафар профессионал қутқарувчилари ва икки нафар шифокор жабрланувчини жонлантиришга ҳаракат қилишди, афсуски, натижа бўлмади. “Amirsoy”нинг барча ходимлари ҳалок бўлганнинг яқинлари ва қариндошларига чуқур ҳамдардлик изҳор қилган.
