Бу борада келишувга Тошкент давлат иқтисодиёт университети ректори Кўнгратбай Шарипов Инновацион ривожланиш вазирининг ўринбосари Олимжон Тўйчиев ва Ёшлар академияси раҳбари Фирдавс Нематзода билан бўлиб ўтган учрашувда эришилди.
Учрашувда, талаба-ёшлар учун “Ёш академиклар” клубини ташкил қилган ҳолда “Бозорни ўрганиш”, “Маркетинг” каби таълим йўналишларида илмий тадқиқот ишларини ташкил этиш борасида таклифлар билдирилди.
Муҳокамаларда илмий-тадқиқот ишини олиб боришга қизиққан ёшларни қўллаб-қувватлаш бўйича аниқ амалий ишларни олиб боришга келишилди.
