Хитойнинг «Zhejiang Loong Airlines» авиакомпанияси 10 январь кунидан эътиборан Чэнду – Тошкент йўналишида парвозларни амалга оширишни бошлайди.
Ушбу йўналишда авиакомпания парвозларни ҳафтасига уч маротаба бажаришни режалаштириган. Чэнду – Тошкент йўналишида илк парвозни амалга оширган «Zhejiang Loong Airlines» авиакомпаниясининг рейси эртага маҳаллий вақт билан соат 18:10 да Тошкент халқаро аэропортига қўнади, дея хабар беради Ўзбекистон Республикаси Транспорт вазирлиги Ахборот хизмати.
Эслатиб ўтамиз, 2019 йилнинг 27 сентябрь кунидан эътиборан Хитойнинг мазкур авиакомпанияси Сиань шаҳридан Тошкентга чартер рейсларни амалга оширишни бошлаган эди.
