Наманганлик икки минг футбол ишқибози Одил Аҳмедовни 2020 йил мавсумида "Навбаҳор" жамоаси таркибида ўйнашини илтимос қилиб видео мурожаат йўллашгани ҳақида хабар берган эдик.
Одил Аҳмедов мухлисларининг бу мурожаатини эътиборсиз қолдирмади.
У наманганликларнинг ўзига бўлган ҳурматидан хурсанд бўлганлигини, аммо амалдаги шартномасига кўра, "Навбаҳор" жамоасида айни пайтда ўйнашнинг имкони йўқлигини таъкидлаган. Аммо фаолиятини бошлаган жамоада, фаолиятини тугатишини билдирган.