Бугун Қашқадарё вилояти ҳокими Зойир Мирзаев ва сектор раҳбарлари олис сайёр қабул доирасида Шаҳрисабз туманининг Тожикистон Республикаси билан чегарадош қисмида жойлашган "Сарчашма" қишлоғида бўлишди.
“Сарчашма” қишлоғидаги учрашув зиёрат ва кекса авлод вакиллари ҳолидан хабар олиш билан бошланди.
Олис қишлоқ ёшлари билан Қашқадарё вилояти раҳбарларининг учрашуви бўлиб ўтди.
Учрашувда қишлоқ ёшлари ўз муаммо ва таклифларини билдиришди.
Бир гуруҳ ёшлар фуқаролик паспортларига ҳам эга бўлишди.
Вилоят раҳбарлари Президентимиз томонидан илгари сурилган 5 та муҳим ташаббус бўйича амалга оширилаётган ишлар билан ҳам танишишди.
Қишлоқ аҳли билан ўтказилган мулоқотларни вилоят ҳокими таҳлил қилар экан, билдирилган барча мурожаат ва таклифлар асосли ва тоғликларнинг яшаш шароитларига хизмат қилишини ҳам таъкидлади.
- Электр энергияси билан боғлиқ масалалар шу куннинг ўзида ҳал этилди, - деди вилоят ҳокими. – Йўлларни, қишлоқда ягона бўлган боғча ва шифохонани таъмирлаш, деҳқончилик қилиш учун ариқлар орқали режа асосида қишлоқни сув билан таъминлаш каби масалалари жорий йилда бартараф этилади.
Вилоят сектор раҳбарлари қишлоқ одамлари ҳолидан хабар олди.
Аввалроқ, вилоят ҳокими блогер Хушнудбек билан суҳбатида қўшиқ айтишини айтган эди. Бугун яна бир сир ошкор бўлди. Ҳоким футболга ҳам қизиқади. Бу сир Сарчашма қишлоғидаги самимий суҳбат асносида очилди.
Матбуот котиби А.Содиқовни айтишича, ҳоким "Пахтакор", "Бунёдкор", "Насаф" ва Англиянинг "Арсенал" жамоалари мухлиси.
Бугун сарчашмаликлар учун унутилмас ажойиб кун бўлди.
Байрам тантаналаридан сўнг Сектор раҳбарлари тоғликларнинг яшаш шароитларини ўрганиш мақсадида қишлоқда тунаб қолиш ниятида.
