Бухоро вилояти халқ таълими бошқармаси томонидан Бухоро шаҳридаги 16-умумий ўрта таълим мактабида ўқувчиларни кино ва театр томошаларига жалб қилиниши тўғрисида ижтимоий тармоқларда тарқалган хабар ўрганиб чиқилди.
Мактаб раҳбариятининг тушунтиришича, ўқувчиларни тарбиявий аҳамиятга эга бўлган кино ва театр томошаларига жалб қилиш орқали уларнинг дунёқарашини янада кенгайтириш мақсадида ушбу тадбирлар ўқувчилар учун ихтиёрий равишда ташкил этилган.
Мазкур ҳолат юзасидан мактаб рахбарияти қатъий огоҳлантирилди. Бу ҳақда Бухоро вилояти халқ таълими бошқармаси ахборот хизмати хабар берди.
Дарсдан бўш вақтларда ота-оналар билан ҳамкорликда, қолаверса уларнинг розилиги асосида ушбу йуналишдаги тадбирларни ташкил этиш лозимлиги бўйича тавсиялар берилди.
