Сўнгги маълумотларга кўра, коронавирус инфекциясига чалинган беморлар билан мулоқотда бўлган яқинларидан 9 нафарида коронавирус инфекцияси аниқланган. Шунингдек, хориждан келган яна бир нафар фуқарода ҳам ушбу инфекция борлиги тасдиқланган. Айни пайтга келиб, коронавирус инфекция аниқланган беморлар сони 33 нафарга етди, дея хабар қилди Соғлиқни сақлаш вазирлиги Матбуот хизмати.
Эслатиб ўтамиз, инфекция тарқалиб кетишининг олдини олиш мақсадида олиб борилаётган эпидемиологик суриштирув ишлари давом эттирилмоқда.
Эслатиб ўтамиз, бундан аввал кеча, 19 март куни эрталаб, юртимизда коронавирус аниқланган беморлар сони 23 нафарни ташкил этган эди.
