Ҳукмрон коалиция парчаланганидан сўнг, 16 декабр куни Германия Бундестаги Олаф Шольц ҳукуматига ишончсизлик вотумини расман қабул қилди, бу муддатидан олдин сайловлар ўтказиш учун зарур қадам ҳисобланади.
Овоз беришда Бундестаг - ГФР парламентининг 394 депутати Шольцга ишонч билдиришдан бош тортди. Сайловда Бундестагнинг яна 207 депутати канцлерни қўллаб-қувватлади, 116 нафари эса бетараф қолди.
Ишончсизлик вотуми, жумладан, энг йирик мухолифат фракцияси аъзолари - Христиан Демократик Иттифоқи (ХДУ) ва Христиан ижтимоий иттифоқи (ХСУ) консерватив блоки, шунингдек, ҳукмрон коалицияни тарк этган Эркин Демократик партия (ФДП) томонидан қўллаб-қувватланди. Сўл партия, Сара Вагенкнехт иттифоқи (ССВ) ва Германия учун муқобил партияси популистик иттифоқи вакиллари ҳам Шольцга ишончсизлик билдирган.
Шольц Германия федерал президенти Франк-Вальтер Штайнмайерга парламентни тарқатиб юборишни таклиф этган.Агар у барқарор ҳукут тузиш учун имконият йўқ деб ҳисобласа, дарҳол парламентни тарқатиб юбориши мумкин.
Қонун бўйича президентга ўйлаш учун 21 кун вақт бор. У парламентни тарқатиб юборишдан воз кечиши ҳам мумкин, агар бу ҳолат рўй берса, парламентдаги озчиликни ташкил этадиган Шолц партияси ишлашда давом этади.
Абдуллоҳ Саййид
