Хитойнинг Хух-Хото шаҳрида Коммунистик партия ишчи қўмитасининг собиқ котиби Ли Цзяньпин қатл этилди. У коррупция жиноятлари туфайли ўлимга ҳукм қилинган.
Таъкидланишича, Ли Цзяньпин турли лавозимлардаги фаолияти давомида 1,43 миллиард юандан ортиқ (199 миллион доллар) давлат маблағини ўз манфаатлари йўлида ўзлаштириб юборган. Цзяньпин, шунингдек, одамлардан 577 миллион юандан ортиқ (80 миллион доллардан кўпроқ) молиявий ва моддий бойликларни олгани ҳам аниқланган.
Бундан ташқари, судланувчи 1,05 миллиард юандан ортиқ (146 миллион доллардан кўпроқ) давлат молиявий ресурсларини номақбул мақсадларга сарфлаб юборган. Ли Цзяньпин ўз вазифаларини қонунга мувофиқ бажармаган ва кейинчалик қатл этилган Чжао Вэньюаннинг криминал жамоасининг жиноятларига ёрдам берган.
2022 йилда суд Ли Цзяньпинни ўлим жазосига ҳукм қилган, шундан сўнг у апелляция шикояти билан мурожаат қилган эди. 2024 йил август ойида апелляция инстанцияси ўлим ҳукмини ўз кучида қолдирган. Жорий йилнинг 17 декабрида эса Олий суд барча йиғилган далилларни қонуний ва чиқарилган ҳукмни содир этилган жиноятларга мос ҳамда адолатли деб топиб, ўлим жазосини тасдиқлади.
Маълумот учун, Хитой раиси Си Цзяньпин аввалроқ коррупцияни Коммунистик партиянинг ҳаётийлиги ва жанговар қобилиятига хавф солувчи асосий хавф дея эътироф этган эди.
Абдуллоҳ Саййид
