“Ўзбеккино” Миллий агентлиги Ўзбекистон Республикаси Президентининг 2017 йил 7 августдаги “Миллий кинематографияни янадаривожлантириш чора-тадбирлари тўғрисида”ги ПҚ-3176-сон Қарори ҳамда Ўзбекистон Республикаси Президентининг 2018 йил 24 июлдаги “Миллий киноиндустрияни ривожлантириш бўйича қўшимча чора-тадбирлар тўғрисида”ги Қарори ижроси юзасидан 2020 йилда 30 та бадиий, 60 қисмдан иборат 30 та ҳужжатли, 30 та мультипликацион, 10 соатли қисқа метражли ва битта юмористик киножурнал ишлаб чиқаришни режалаштирган.
Мазкуррежа бўйича Агентлик 2020 йилнинг 10 февралида иқтисодиёт, сиёсат, маданият, санъат, фан, таълим ҳамда ижтимоий ҳаётнинг бошқа соҳаларида амалга оширилаётган янгиланишлар, шунингдек, аҳолининг реал эҳтиёжидан келиб чиққан ҳолда давлат ижтимоий гранти асосида миллий фильмлар ишлаб чиқариш учун устувор мавзулар рўйхатини эълон қилган эди.Эълон матни “Ўзбекистон адабиёти ва санъати” газетаси, шунингдек, “Ўзбеккино” Миллий агентлигининг расмий веб-саҳифасида ва бошқа сайтларда чоп этилди. Мазкур эълонда бадиий фильмлар учун тарихий йўналишда 9 та, замонавий йўналишда 23 та, ҳужжатли фильмлар учун 31 та мавзу бўйича танлов ўтказилиши белгиланган. Танловда мультиплакацион ва қисқа метражли фильмлар учун аниқ мавзу ва йўналишлар кўрсатилмаган.
2020 йилнинг 10 март ҳолатига кўра, жами 147 та сценарий топширилган. Мазкур сценарийларнинг 59 таси бадиий, 27 таси ҳужжатли, 23 таси мультиплакацион, 34 таси қисқа метражли фильмлар, 3 таси сериал, биттаси киножурнал (52 та сон) сценарийларидир.
Вазирлар Маҳкамасининг 2019 йил 19 августдаги 695-сонли қарори билан тасдиқланган “Давлат буюртмаси асосида ишлаб чиқариладиган кино маҳсулотлари учун танлов ташкил этиш ва уни ўтказиш тартиби тўғрисидаги Низомнинг 17-бандига кўра, танлов ҳужжатларида давлат буюртмачиси ҳар бир фильм (киномаҳсулот) харид қилиш тартиб-таомилининг алоҳида бирлиги сифатида кўриб чиқилишини эълон қилиши мумкин ва танлов натижаларига кўра ҳар бир лот бўйича фақат битта ғолиб иштирокчи аниқланиши лозим.
Танловда битта иштирокчи қатнашган ёки бирорта иштирокчи қатнашмаган тақдирда танлов ўтказилмаган деб топилади. Бундай ҳолатда давлат буюртмачиси харид қилиш тартиб-таомилини айни ўша шартларда ҳамда фильм (киномаҳсулот)га доир айни ўша мезонларга ва талабларга мувофиқ такроран амалга оширади.
Жорий йилда мазкур танловда жумладан “Имом ал-Бухорий ҳаёт йўли” мавзусида 3 та, “Соҳибқирон Амир Темур” мавзусида 2 та, Иккинчи жаҳон уруши даврида фронтда ва фронт ортида қаҳрамонлик намуналарини намойиш этган юртимиз вакилларининг жасорати ҳақида 6 та, Ўқитувчининг жамиятдаги ўрни, машаққатли меҳнати, унинг обрў-эътиборини юксалтиришга қаратилган 4 та, ўзбек олимининг ҳаёти мисолида олимларнинг машаққатли фаолияти ҳақида 2 та, давлат хавфсизлик хизмати ходимларининг фаолияти ҳақида 4 та, ҳуқуқ-тартибот ва адлия органлари ходимларининг кучли фуқаролик жамияти ва демократик ҳуқуқий давлат қуришда қонун устуворлигини таъминлаш йўлидаги фаолиятини ёритувчи 2 та, ўзбек оиласидаги ўзига хос қадриятлар, ота-оналар ва фарзандлар ўртасидаги муаммолар, ёш оилаларда тез-тез учраб турадиган келишмовчиликларнинг сабаб ва оқибатлари тўғрисида 3 та, болалар ва ўспиринларнинг жўшқин ва беғубор оламини ёритиб берувчи 5 та, қишлоқ хўжалиги соҳасида меҳнат қилиб, аҳолининг фаровонлигига муносиб ҳисса қўшиб келаётган фермер замондошларимиз ҳақида 3 та, ҳарбийлар ва ҳарбий учувчиларнинг ҳаёти ҳақида 4 та, юртимизда фаолият юритаётган ишбилармонлар ҳаракати ҳақида 2 та, саргузашт бадиий фильмлар учун 2 та, комедия жанрида суратга олинадиган бадиий фильмлар учун 2 та, юртимиздаги моддий маданий мерос объектлари ҳақида ҳикоя қилувчи 3 та сценарий қабул қилинган.
Қолган мавзу ва йўналишлар бўйича биттадан сценарий қабул қилинган ёки умуман ушбу мавзулар бўйича сценарийлар келиб тушмаган. Шу боис, 20 март кунидан эътиборан биттадан ортиқ сценарий топширилмаганмавзулар бўйича “Ўзбеккино” Миллий агентлиги веб-сайтида такрорий танлов эълон қилинди. Мазкур йўналишлар бўйича 21 апрелга қадар қўшимча сценарийлар топширилиши керак эди. Ҳозирга қадар қўшимча яна бешта сценарий келиб тушган. Такрорий танловда сценарийларнин кам топширилишига юртимизда юзага келган пандемик вазият ҳамда карантин чоралари ҳам жиддий таъсир кўрсатган.
