Индонезиянинг Шимолий Малуку провинциясидаги Дуконо вулқони отилишидан кейин 1600 метр баландликка кул сочди.
Вулканларни кузатиш пости отилиш маҳаллий вақт билан тонгга яқин содир бўлганини маълум қилди, деб хабар беради Antara News.
Баёнотда айтилишича, денгиз сатҳидан 1087 метр баландликда жойлашган вулқон отилиши натижасида 1600 метр баландликка кул отилиб чиққан.
Расмийлар вулқон атрофида яшовчи одамларни ниқоб тақиш ҳақида огоҳлантирди.
Дуконо вулқони Индонезиядаги энг фаол вулқонлардан бири сифатида танилган.
Индонезияда 130 га яқин ҳаракатдаги вулқонлар мавжуд бўлиб, улар зилзилалар ва "Тинч океани олов ҳалқаси" вулқонлари минтақасида жойлашган.
