JSST portfelida koronavirusga qarshi 9 ta vaksina mavjud. Emlash dasturiga 172 mamlakat qo`shildi
Jahon sog`liqni saqlash tashkiloti bosh direktori Koronavirusga qarshi vaksina ishlab chiqish va tarqatish bo`yicha COVAX xalqaro mexanizmiga 172 davlat qo`shilganini ma`lum qildi.
Uning so`zlariga ko`ra, tashkilot barcha vaksina ishlab chiqaruvchilar bilan hamkorlik qiladi va ayni paytda portfelda to`qqizta preparat mavjud.
Ushbu mexanizm barcha a`zo mamlakatlarning lisenziyalangan va tasdiqlangan vaksinalardan teng foydalanishni ta`minlashga qaratilgan.
JSST bosh direktorining eslatishicha, hamkorlikka kirish so`rovi bilan xatlar o`tgan haftada barcha mamlakatlarga yuborilgan.
