Madaniyat vazirligining xabar berishicha, Yunus rajabiy nomidagi O`zbek milliy musiqa san`ati instituti joriy yildan boshlab o`z faoliyatini boshlaydi. Shu munosabat bilan bo`lajak maqom ijrochilari mazkur oliy o`quv yurtiga kirish uchun kasbiy (ijodiy) imtihon topshirmoqdalar.
O`zbekiston Respublikasi madaniyat vaziri Ozodbek Nazarbekov imtihon o`tkazish uchun belgilangan ob`ektlarda sanitariya-gigiena qoidalariga to`liq rioya etilishi, kuzatuv kameralari o`rnatilganligi va imtihonlarning shaffof, oshkora va adolatli o`tkazilayotganligi bilan tanishish maqsadida institutga tashrif buyurdi.
