Sifati kafolatlanmagan biofaol qo`shimchalarning yashirin aylanmasiga qarshi bojxona organlari tomonidan tizimli ravishda kurash olib borilmoqda.
Qashqadaryo viloyati bojxona boshqarmasi Kontrabandaga qarshi kurashish va bojxona auditi bo`limi xodimlari fuqaro M.A. boshqaruvidagi “Neksiya 3” rusumli avtomashinani belgilangan tartibda ko`zdan kechirishdi. Bu haqda bizga Bojxona qo`mitasi xabar berdi.
Natijada, avtomashina ichida sifati kafolatlanmagan va tegishli hujjatlari bo`lmagan umumiy qiymati 100,3 million so`mlik 601 dona xorijda ishlab chiqarilgan “SamyunWan” nomli biofaol qo`shimchalar borligi aniqlandi.
Hozirda yuqoridagi holat yuzasidan bojxona organlari tomonidan surishtiruv harakatlari davom ettirilmoqda.