Joriy yilning 15 oktyabr kuni Toshkent viloyatining O`rtachirchiq tumanida xizmat olib borayotgan YPX inspektori, safdor J.Ilxomov VAZ-2106 rusumli transport vositasining haydovchisi xavfsizlik kamarini taqmasdan kelayotgani uchun to`xtatadi. Tekshiruv jarayonida haydovchi spirtli ichimlik iste`mol qilgan holda transport boshqarayotganligi ma`lum bo`ladi. Inspektor unga nisbatan tegishli tartibda ma`muriy bayonnoma rasmiylashtirib, avtomashinani vaqtinchalik jarima maydoniga qo`yadi. Bu haqda O`zbekiston Respublikasi IIV YHXBB Axborot xizmati xabar berdi. Bu qoidabuzarlik uchun katta miqdorda jarima to`lashini, haydovchilik huquqidan mahrum etilishini bilgan haydovchi muammo echimining noqonuniy yo`llarini izlashni boshlaydi va aybini pora evaziga berkitmoqchi bo`ladi. Shu maqsadda Toshkent viloyati IIBB YHXBning 3-mintaqaviy hudud yo`l patrul xizmati otryadining komandiri katta leytinant F.Musaevga murojaat qiladi. Komandirning bu holat qonunga zidligini tushuntirishiga qaramasdan haydovchi o`z fikrida qat`iy turib oladi. Shundan so`ng katta leytinant F.Musaevning tegishli tartibdagi bildirgisi asosida O`zbekiston Respublikasi IIV O`XB Toshkent viloyati bo`yicha bo`limi hamda DYHXX xodimlari ishtirokida tezkor tadbir o`tkazilib, fuqaro A.R otryad komandiriga bir million to`rt yuz ming so`m va 210 AQSh dollarini pora sifatida berayotgan vaqtda holislar ishtirokida qo`lga olingan. Mazkur xolat yuzasidan Piskent tuman prokuraturasi tomonidan O`zbekiston Respublikasi Jinoyat Kodeksining 211-moddasi 1-qismi bilan jinoyat ishi qo`zg`atildi. Shu o`rinda harakat ishtirokchilaridan avvalo yo`l harakati qoidalariga rioya etishlarini, har qanday holatda ham aybni yashirish uchun noqonuniy hatti-harakat sodir etmasliklarini so`rab qolamiz!
|
23.09.2021, 10:07
O`rtachirchiqda 35 000 dollar evaziga 10 sotix er olib berishni va`da qilgan shaxs qo`lga tushdi.Bosh prokuratura huzuridagi Departament bu haqda xabar berdi.Ma`lum bo`lishicha, DXXning Toshkent...
