Koronavirusga qarshi emlash Rossiyaning barcha mintaqalarida boshlandi, dedi Rossiya sog`liqni saqlash vaziri Mixail Murashko COVID-19ga qarshi kurashish bo`yicha hukumat muvofiqlashtiruvchi kengashi yig`ilishida.
"Vaksina Rossiya Federasiyasining barcha hududlariga etkazib berildi va emlash Rossiya Federasiyasining barcha hududlarida boshlandi", dedi u. Ma`lum qilishicha, 1229 ta tibbiyot tashkiloti emlash bilan shug`ullanmoqda, 28,5 ming kishi vaksinani olgan.
Avval xabar qilganimizdek, «Sputnik V» avgust oyida dunyodagi birinchi ro`yxatdan o`tgan koronavirusga qarshi emlash bo`ldi. 14 oktyabrda Rossiyada Vektor markazining ikkinchi vaksinasi - «EpiVakKorona» ro`yxatdan o`tkazildi. Rossiya to`g`ridan-to`g`ri investisiya jamg`armasi ushbu preparat og`ir koronavirus kasalligidan 100% himoya qiladi deb da`vo qildi. Umuman olganda, vaksinaning samaradorligi 91,4% ni tashkil etdi. 5 dekabr kuni Moskvada shifokorlar, o`qituvchilar va ijtimoiy ishchilarni emlash boshlandi. 14 dekabrga qadar 26 mingdan ortiq ko`ngillilar klinik sinovlar paytida emlandi. Ma`lumotlarga ko`ra, ularning hech birida "kutilmagan noxush hodisalar" mavjud emas.
Eslatib o`tamiz, avvalroq, AQSh, Buyuk Britaniya va Isroilda ommaviy emlash boshlagani xabar qilingan edi.
