Xabarlarga ko`ra, 3-v sinf o`quvchisi 2-guruh tarbiyalanuvchisi 11 yoshli Abdug`ofurova E`zozaxon Umidjon kizi kaltaklangan. Uni 103 - yordamchi internat maktab o`quvchisini kechki smena tarbiyachilari tezroq uxlamagani sababli urganligi taxmin qilingan edi.
Hozirda mazkur 103-sonli internat-maktabining 3-sinf o`quvchisini kaltaklaganlar ustidan jinoyat ishi qo`zg`atilgan. Ayni paytda ushbu voqea tafsilotlari ma`lum qilindi.
Qizning onasi: "Bolamning gapira olmaganidan foydalanishyapti, u gapira olganda kim bu ishni qilganini aytib berardi", – dedi. Uning aytishicha qizini mashinada uyga olib kelishgandan keyin uni choʼmiltirish uchun vannaga olib kirgan. Yechintirib qarasa, qizning badanida, bilagi, qoʼllari va orqasida koʼkargan dogʼlar borligini koʼrgan. U bundan juda hayratlangan.
"Mazkur muassasada bunday ishlar sodir boʼladi, deb hech oʼylamagandim... Hozirda oʼzi-oʼziga shikast yetkazgan deb bizni chalgʼitishyapti. Qizim oʼzini oʼzi urmaydiku. Oʼzini orqasini qanday qilib tishlashi mumkin?!", deydi ona. Kaltaklangan qizning onasi bilan Zamon muxbiri suhbatlashdi. U boʼlgan voqealarni gapirib berdi. Videoda batafsil:
