Navoiy viloyati Zarafshon shahrida 2020 yilning 13 dekabr kuni soat uylar oldidagi daraxtzordan 45 yoshli M.Q., ismli shaxsning murdasi topilgan. Bu haqda O`zbekiston Respublikasi IIV huzuridagi Tergov departamenti xabar bermoqda.
Voqeaga aniqlik kiritish maqsadida murda sud-tibbiy ekspertizasi vositasida tekshirib ko`rilgan. Ekspertiza xulosasiga ko`ra, M. Q., ning tanasida “qorin bo`shlig`ining yopiq qo`shma jarohati, to`sh suyagini yopiq sinishi, ichak arteriyasining yorilishi” kabi tan-jarohatlari borligi aniqlangan. Bu harohatlar uning o`limiga sabab bo`lgan deya taxmin qilingan.
So`ngra mazkur holat yuzasidan Zarafshon shahar IIB huzuridagi Tergov bo`linmasi tomonidan O`zbekiston Respublikasi Jinoyat kodeksining 104-moddasi 3-qismi “d” bandi (odam o`limiga sabab bo`lgan qasddan badanga og`ir shikast etkazish) bilan jinoyat ishi qo`zg`atilgan.
Dastlabki tergov jarayonida jinoyatni Tomdi tumanida tug`ilgan S. S. ismli shaxs sodir etganligi, janjalga esa har ikki fuqaroning spirtli ichimlik ta`sirida bir-birlarini so`kib haqorat qilganligi sabab bo`lganligi aniqlangan.
Hozirda jinoyat ishi bo`yicha ayblanuvchiga nisbatan “qamoqqa olish” tarzidagi ehtiyot chorasi qo`llanilgan, tergov harakatlari olib borilmoqda, deyiladi departament ma`lumotida.
