Jinoyat ishlari bo`yicha Asaka tuman sudida ayol kishini shavfqatsizlarcha kaltaklagan ikki erkakka nisbatan sud hukmi o`qildi.
Qo`l-oyog`i bus-butun bu erkaklar o`zganing xonadoniga o`g`irlik uchun kirishadi. Jabrlanuvchining uyiga kirib, xonadon bekasini shavfqatsizlarcha kaltaklashgan. Uyda ayolning farzandlari ham borligini bilishgach, voqea joyidan yashirinishgan.
Sud tibbiy ekspertiza xulosasiga ko`ra, ayol bosh miya yopiq shikasti, bosh miya chayqalishi, ikkila ko`zi atrofining lat eyishi, qon quyilgan jarohatlar etkazilganligi aniqlangan. Buning natijasida ayolning 20 haftalik homilasining tushish xavfi paydo bo`lgan.
Qonunchilikda belgilangan tegishli bandlariga ko`ra, erkaklardan biri M.R 11 yil ozodlikdan mahrum etildi. Ikkinchisiga esa 10 yilu, 6 oy qamoq jazosi berildi.
