Жиноят ишлари бўйича Асака туман судида аёл кишини шавфқатсизларча калтаклаган икки эркакка нисбатан суд ҳукми ўқилди.
Қўл-оёғи бус-бутун бу эркаклар ўзганинг хонадонига ўғирлик учун киришади. Жабрланувчининг уйига кириб, хонадон бекасини шавфқатсизларча калтаклашган. Уйда аёлнинг фарзандлари ҳам борлигини билишгач, воқеа жойидан яширинишган.
Суд тиббий экспертиза хулосасига кўра, аёл бош мия ёпиқ шикасти, бош мия чайқалиши, иккила кўзи атрофининг лат ейиши, қон қуйилган жароҳатлар етказилганлиги аниқланган. Бунинг натижасида аёлнинг 20 ҳафталик ҳомиласининг тушиш хавфи пайдо бўлган.
Қонунчиликда белгиланган тегишли бандларига кўра, эркаклардан бири М.Р 11 йил озодликдан маҳрум этилди. Иккинчисига эса 10 йилу, 6 ой қамоқ жазоси берилди.
