Ijtimoiy tarmoqlarda bir qancha yoshlar o`rtasida pichoqbozlik bo`lgani haqidagi video tarqaldi. Mazkur holat yuzasidan Toshkent shahar Ichki ishlar bo`limi Bosh boshqarmasi tomonidan tezkor surishtiruv ishlari olib borildi. Voqeani sodir etganlarning shaxsi aniqlashtirildi.
Qoidabuzarlarning ma`lum qilishicha, ular faqat mashhurlikka erishishni o`z shaxsini "piar" qilishni ko`zlagan:
Bu ishimiz shunchaki hazil tarzida edi. Voqea jarayonida pichoq emas taroqdan foydalanganmiz. Biz bu ishimiz bunchalik shov-shuvga sabab bo`lishini va tez tarqab ketishini bilmagandik. Xato qilganimizni kech angladik. Hammadan uzr so`raymiz.
Yana bir video ishtirokchisining so`zlariga ko`ra ular pichoqdan bezorilikda foydalanishning oqibatini ko`rsatib berishmoqchi bo`lishgan.
Chilonzor tuman sudida ma`muriy ish ko`rib chiqildi. Sud ishi yakunlariga ko`ra qoidabuzarlarga 5 sutkalik ma`muriy qamoq va BHMning bir barobari miqdorida jarima jazosi qo`llaniladigan bo`ldi.