Xalqaro kongress markazida Shavkat Mirziyoevning Oliy Majlisga Murojaatnomasi davom etmoqda.
Unda Prezident barcha sohalar qatori tadbirkorlar uchun imkoniyatlar yaratishga ham e`tibor qaratdi.
Ta`kidlanishicha, davlat ulushi bo`lgan korxonalar soni 2 yilda 3 barobarga qisqartiriladi.
Murojaat davomida tovar va moliya bozoridagi erkin raqobatni shakllantirish, tadbirkorlar erkin xomashyo sotib olishi uchun teng imkoniyatlar yaratish zarurligi qayd etildi.
"Elektr energiyasi, gaz, qimmatbaho metallar, mineral o`qitlar, transport xizmatlari kabi yo`nalishlarda monopol bozorlar mavjud bo`lib, ularda ko`plab muammolar va korrupsiya saqlanib qolmoqda" dedi davlat rahbari.
