29 dekabr kuni fuqaro M.M. o`z boshqaruvidagi “Nexia” rusumli avtomashinasini Farg`ona viloyati Oltiariq tumani hududidagi Yangiarab MFY hududida boshqarib ketayotib, boshqaruvni yo`qotgan va yo`lning o`rta qismidagi beton to`siqqa urilishi oqibatida hodisa joyida vafot etgan. Bu haqda Farg`ona viloyati IIB Axborot xizmati ma`lum qilgan.
Mazkur holat yuzasidan Oltiariq tumanida huzuridagi tergov bo`limi tomonidan Jinoyat kodeksining 266-moddasi 2-qismi bilan jinoyat ishi qo`zg`atilib, tergov harakatlari olib borilmoqda.
Hurmatli haydovchilar! Yo`l harakati qoidalariga amal qiling. Yo`l harakati qoidalariga amal qilmaslik orqali o`zingiz va boshqalar sog`lig`iga shikast etkazishingiz mumkinligini esdan chiqarmang.
