2021 yilning 24 yanvar kuni Toshkent shahar Bektemir tumanida joylashagan “Sharq” YPX maskaniga tungi xizmatga jalb etilgan, Toshkent shahar Kinologiya xizmati IIBB YPX 1-batalon inspektori, IIBB PPX 1-batalon xodimlari tomonidan soat 19:35 larda, Toshkent viloyatidan Toshkent shahriga qarab, harakatlanib kelayotgan “Matiz” rusumli avtotransport vositasi to`xtatilgan. Bu haqda IIV PPX va Jamoat tartibini saqlash bosh boshqarmasi xabar berdi.
Xabarda aytilishicha, haydovchining hujjatlarini tekshirish jarayonida 1983 ylda tug`ilgan Toshkent viloyati, Bo`stonliq tumanida yashovchi fuqaro F.Mning egnidagi qora rangli kurtkasining ichki cho`ntagidan gugurt qutisi ichida 1,18 gramma “marixuana” giyohvand moddasi (IIBB EKMning xulosasi) borligi va avtoulovning yuk xonasidan pnevmatik qurol borligi aniqlangan.
Yuqoridagi holat yuzasidan tegishli hujjatlar rasmiylashtirilib, fuqaro F.M. Toshkent shahar Bektemir tuman IIO FMBga olib borib topshirilgan.
