O`zbekiston davlat konservatoriyasining 4 nafar professor-o`qituvchilarida hamda 1 nafar talabada COVID-19 kasalligi aniqlandi.
Ayni vaqtda bemorlar o`z uylarida shifokorlar nazorati ostida davolanmoqdalar.
Kasallik tarqalishini oldini olish maqsadida o`quv jarayonlari 2021 yil 26 martdan 8 aprelga qadar (14 kun) masofaviy shaklda tashkil etiladi.
O`zDKda o`quv jarayonini masofaviy shaklda tashkil etish bo`yicha zaruriy sharoitlar yaratilgan bo`lib, dars jarayonlari ZOOM videoaloqa dasturi orqali belgilangan dars jadvali asosida o`tiladi.
Eslatib o`tamiz, sal avval Toshkent transport universitetining Aviasiya transporti muhandisligi fakulteti 3-kurs talabasida COVID-19 aniqlangani bois ushbu fakultet talabalari ikki haftalik masofaviy ta`limga o`tkazilgani xabar qilingan edi. Shuningdek, Inha universiteti talabasida ham koronavirus aniqlangan edi va bu OTM ham onlayn ta`limga o`tgani aytilgan. Shuningdek, Toshkent moliya institutida ham o`qish onlaynga o`tkazilgan.
