"Mamuriy javobgarlik to`g`risida"gi kodeksga o`zgartirish va qo`shimchalar kiritish bo`yicha qonun loyihasida profilaktika inspektorlari elektr, issiqlik energiyasi, gazdan foydalanish qoidalarini buzish bilan bog`liq ma`muriy huquqbuzarliklar to`g`risidagi ishlarni ko`rib chiqish va jazo qo`llash vakolatini berish ham ko`zda tutilgan edi.
Oliy Majlis quyi palatasining deputati Rasul Kusherbaevning ma`lum qilishicha, deputatlarning ko`pchiligi bunga qarshi ovoz berishgan.
Natijada profilaktika inspektorlariga elektr, issiqlik energiyasi, gazdan foydalanish qoidalarini buzish bilan bog`liq ma`muriy huquqbuzarliklar to`g`risidagi ishlarni ko`rib chiqish va jazo qo`llash vakolati berilmaydigan bo`lgan.
Qonun loyihasini ko`rib chiqishda deputatlar ushbu vazifalarni profilaktika inspektorlariga o`tkazish ularda asosiy ishidan tashqari ish ko`lamini orttirib, manfaatlar to`qnashuvi, korrupsion holatlar ko`payishiga sabab bo`lishi mumkinligini bildirishgan.
Qonun loyihasi tegishli qo`mitaga qaytarilgan.
