Oqoltin tumanidagi Bolalar va o`smirlar sport maktabi binosini ta`mirlashdagi talon-torojlik fosh etildi. Bu haqda Bosh prokuraturasi huzuridagi Iqtisodiy jinoyatlarga qarshi kurashish departamenti xabar berdi.
Aniqlanishicha, “I.G.” MChJ rahbari tuman Bolalar va o`smirlar sport maktabi binosini joriy ta`mirlash ishlari bo`yicha tuzilgan hujjatlarga amalda bajarilmagan 75,6 mln so`mlik ish hajmini qo`shib yozganligi, shuningdek maktab sobiq bosh hisobchisi B.E. 41,5 mln so`m byudjet mablag`larini xodimlarga asossiz ravishda ortiqcha to`lab yuborganligi natijasida jami 117,1 mln so`m byudjet mablag`lari o`zlashtirish va rastrata qilish yo`li bilan talon-toroj qilingan.
Mazkur holat yuzasidan MChJ rahbari va boshqalarga nisbatan Jinoyat kodeksining 167-moddasi (talon-toroj qilish) bilan jinoyat ishi qo`zg`atilib, tergov harakatlari o`tkazilmoqda.
