Sal avval xabar qilganimizdek, Andijonda kelin qaynonasini joynamoz ustida ketmon bilan chopib o`ldirganligi hodisasi o`rganilayotgan edi. Holat yuzasidan jinoyat ishi ochildi.
Ayni paytda Bosh prokuratura Matbuot xizmatining xabar berishicha, marhumani kelini emas, erkak kishi ketmon bilan chopib o`ldirgan.
Ish hujjatlaridan ma`lum bo`lishicha, mazkur jinoyat (https://t.me/HShamsutdinov/545)ni sodir etishda 1977 yilda tug`ilgan E.M. (erkak, marxumaning sobiq kelini bilan turmush qurgan) gumonlanayotgan bo`lib, unga sudning ajrimi bilan "qamoqqa olish" tarzidagi ehtiyot chorasi tanlangan.
Aniqlanishicha, M.E. 2021 yil 14 aprel kuni soat 17:42 larda, o`zi yashab kelayotgan uy oldida, mazkur xonadonda yashovchi ayol M.E. bilan yuqorida ko`rsatilgan xonadonni devor bilan bo`lish masalasi yuzasidan o`zaro tortishib, qo`lida bo`lgan ketmon bilan ayolning bosh qismiga urib, «og`ir» shikast etkazib, uning o`limiga sababchi bo`lgan.
