Сал аввал хабар қилганимиздек, Андижонда келин қайнонасини жойнамоз устида кетмон билан чопиб ўлдирганлиги ҳодисаси ўрганилаётган эди. Ҳолат юзасидан жиноят иши очилди.
Айни пайтда Бош прокуратура Матбуот хизматининг хабар беришича, марҳумани келини эмас, эркак киши кетмон билан чопиб ўлдирган.
Иш ҳужжатларидан маълум бўлишича, мазкур жиноят (https://t.me/HShamsutdinov/545)ни содир этишда 1977 йилда туғилган Э.М. (эркак, мархуманинг собиқ келини билан турмуш қурган) гумонланаётган бўлиб, унга суднинг ажрими билан "қамоққа олиш" тарзидаги эҳтиёт чораси танланган.
Аниқланишича, М.Э. 2021 йил 14 апрель куни соат 17:42 ларда, ўзи яшаб келаётган уй олдида, мазкур хонадонда яшовчи аёл М.Э. билан юқорида кўрсатилган хонадонни девор билан бўлиш масаласи юзасидан ўзаро тортишиб, қўлида бўлган кетмон билан аёлнинг бош қисмига уриб, «оғир» шикаст етказиб, унинг ўлимига сабабчи бўлган.
