1 iyun kuni Marg`ilon shahrida Do`stlik MFYda yashovchi Yu.G. ismli ayol IIBga murojaat qilib, unda shu kuni noma`lum shaxs yashash xonadoni yotoqxonasidagi divan to`shagi tagida turgan 60.000.000 so`mni yashirin ravishda o`g`irlab ketganini bildirgan. Bu haqda Farg`ona viloyati IIB Axborot xizmati ma`lum qildi.
Mazkur holat yuzasidan Marg`ilon shahar IIB huzuridagi tergov bo`limi tomonidan Jinoyat kodeksining 169-moddasi 2-qismi “g” bandi (o`g`irlik) bilan jinoyat ishi qo`zg`atilgan.
Olib borilgan tezkor qidiruv harakatlari davomida ushbu jinoyatni D.A. ismli ayol sodir etganligi aniqlanib, prosessual tartibda ushlangan.
Eslatib o`tamiz, Jinoyat kodeksining 169-moddasi 2-qismida ko`rsatilgan jinoyatni sodir etgan shaxs 5 yilgacha ozodlikdan mahrum qilish bilan jazolanadi.
