Mirishkor tuman hokimi Sherali Sanaevning qabuliga kelgan Shirin mahallasida yashovchi S. Shukurova va Zafar mahallasida yashovchi G`. Qo`chqorovning ta`lim kontrakti uchun hokim tashabbusi bilan 2,8 mln so`mdan jami 5,7 mln so`m ajratildi.
Shuningdek, Bahoriston mahallasida yashovchi B. Otaboev, R. Himmatov hamda Chandir qishlog`ida yashovchi K. Chorievlarga 980 ming so`mdan «Yoshlar jamg`armasi» hisobidan moddiy yordam pullari ajratildi.
Davlat rahbarining O`zbekiston yoshlari forumida «Sizlarni O`zbekistonning eng katta boyligi, bebaho xazinasi sifatida qadrlayman» deya, ta`kidlashi yoshlarga nisbatan qaratilayotgan e`tiborni anglatadi. Tumanimiz yoshlari uchun ham barcha sharoitlarni yaratish, ko`maklashish, Prezident islohotlarining samarasi tumanimizdagi har bir yoshning qalbida aks etishi biz rahbarlarning oldimizda turgan ulkan mas`uliyatdir, dedi Sh. Sanaev
Avvalroq, Mirishkor tuman hokimi qabuliga kelgan fuqaroning operasiyasi uchun 7,9 mln so`m hamda yana bir fuqaroning kontrakt to`lovi uchun 6,3 mln so`m mablag` ajratilgan edi.
